السلام عليكم ورحمة الله وبركاته
طبقنا اليوم ( برجر لحم بقري صنع في البيت ) للتثليج والتفريز
أنظف وأضمن وأوفر وأسرع وألذ
المقادير :
نصف كيلو لحم بقر مفروم طازج ( لازم يكون طازج ومفروم ومايصلح كلش المفروم المثلج لاني اصلا راح اعيد تثليجه ) اشترو اللحم وصاحب المحل هو يفرمه او بالمحلات الي تشترين وتفرمين من عندهم
بصلة - بيضة - فلفل رومي او فلفل حار الحجم الكبير الي اقل حرارة - فص ثوم - 3 ملاعق طعام بقسماط - بهارات ( ملح وفلفل أسود وبهارات الشواء قليل - فلفل احمر شوي ) ما نزيد من البهارات - قليل من الطحين للتشكيل - غطاء علبة الحجم الكبير للتشكيل
الطريقة :
اجيب المفرمة الكبيرة ( اذا ماعندش مفرمة استخدمي المفرمة اليدوية ) واخلي فيها البصل والفلفل وفص الثوم وامفرمه مو ناعم حتى لا يطلع لي عصارة وايد
اضيف اللحم
اضيف البيضة
اضيف البقسماط وافرم المكونات
بعدين اضيف البهارات
وافرم المكونات حتى يتكون عندي لحم قابل للتشكيل
اجيب لي غطاء علبة حجم كبير وخلي فيه شوي طحين حتى لا يتلصق البرجر فيه مو اترس الغطاء بس امسح الغطاء بالطحين
واخلي فيه اللحم بالغطاء واملسه بالغطاء
بعدين اضربه بالصينه راح ينزل عندي برجر مدور ( ما صورت هذه الخطوة لاني كنت مشغولة بالتشكيل )
البرجر بالصينة مبطنة بالنايلون حتى لا يلصق
هذه شكله
اخلي الصينية بالفريز يوم كامل ( الصينية تكون من تحت نايلون واغطي البرجر بالنايلون ) بعدين ارتبه في صحون او علب اكياس للتخزيين لوقت القلي
هذه الصور بعد التثليج يوم كامل
وهذه صورة للبرجر الحجم الصغير وهو مقلي
بالهناء والعافية
